Er einhver sem les þessa síðu sem veit eitthvað um þetta sms.ac dæmi? Er þetta hugsað þannig að við á íslandi getum sent fólki sem er statt erlendis ókeypis sms, eins og fólk erlendis getur farið á símann og sent sms? Því mér virðist það vera sem svo að við á íslandi erum ekki á einhverjum lista hjá þessu fyrirtæki yfir lönd sem hægt er að senda sms til. Ef einhver veit eitthvað um þetta, vinsamlegast tjáðu þig.

Það er fáranlega niðurdrepandi að vera blankur. Ég er mjög blankur um þessar mundir og helgast það kanski helst til af því að ég er að fara í útskriftarferð, sem ég er reyndar búinn að safna mér fyrir en ég fæ ekki allan peninginn strax. Svo hjálpaði nú ekki til að klessa bílinn fyrir jól og tapa 80000 kalli þar, eða 7500 kalli í hraðasekt núna nýverið. En svona eru víst námsárin, er maður ekki alltaf fáránlega blankur á þeim?
Páskarnir liðnir svo gott sem og lítið gert. Reyndar horði ég á alla fyrstu seríu af arrested development sem eru snilldarþættir sem er reyndar ekki byrjað að sýna hér á landi. Svo lærði ég eitthvað og fór í World Class, en kíkti lítið á djammið. Fór reyndar aðeins út á laugardagskvöldið með Tuma, Kenneth og Atla þar sem við fórum meðal annars á Rósenberg, stað sem ég hef aldrei komið á, Tumi spilaði þar á píanóið við mikinn fögnuð og við hittum Ara Tómasson á Rósenberg. Maður er ekki jafnduglegur og margir sem maður þekkir sem tóku, miðvikudag, föstudag og sunnudag á þetta.
Nú kæmi mér ekki á óvart að næsta geðveika törn myndi byrja. Stutt í próf og öll stærri verkefni fara að nálgast svona til að hafa þetta skemmtilegt fyrir okkur. En maður tæklar það bara og hlakkar til 5 daga frísins í miðjum prófum.

Hvað er málið með þetta Fischer dæmi allt saman. Beinar útsendingar þegar hann lendir á landinu í einkaþotu sem Sigurjón Sighvatsson og Stöð tvö leigðu handa honum, þá væntanlega til að fá einhvern exclusive eða first rights á viðtali við karlinn. Svo er karlinn bara hálfgeðveikur. Vill að Bush og forsetisráðherra Japans annaðhvort sængi hjá hvor öðrum eða séu hengdir. Maður hlýtur að velta fyrir sér, hvað græðum við á því að hýsa Fischer. Ekki mun hann keppa fyrir okkur í skák því hann segir að hún sé dauð og varla mun hann kenna. Ekki sé ég fyrir mér að hann fari að vinna venjulega vinnu heldur. Þetta mál minnir soldið á þegar Keiko kom til landsins og Íslendingar stóðu fyrir frelsun hans. Við erum að einbeita okkur að einhverju sem skiptir frekar litlu máli og ég allaveganna sé ekki mikinn hag í að berjast fyrir. En við fáum jú athygli í heimspressunni, eitthvað sem við viljum alltaf fá.
En nóg um Fischer.
Það líður varla sá dagur í þriðja árs stofunni eða á meðal útskriftarnemenda að ekki sé rætt um útskriftarferðina. Það eru ansi margir orðnir mjög spenntir fyrir ferðinni og þar er ég engin undantekning. Mig hefur alltaf langað að fara til NYC og núna í þessari ferð fæ ég að vera í 7 daga þar sem er algjör snilld. Svo er líka það sem hvað mest er rætt um, sérstaklega ef við erum að borða, hvaða staði við ætlum að prufa úti. Eitt er víst að þessi ferð verður algjör snilld, það liggur við að það skipti ekki máli hvert verði farið, það yrði gaman.

Google er með eitthvað dæmi sem svona tekur texta og gerir að ghetto máli og ég ákvað að prufa að þýða seinustu færslu og þó svo þetta sé ekki smekklegt það sem ég gerði bold þá fannst mér soldið fyndið að þetta kæmi á þessum stað.

Ég er farinn að halda að bíllin minn, rauða þruman, hati mig og sé að reyna að drepa mizzay með raflosti. Þannig er mál með vexti að seinustu daga hef ég tekið eftir því að nánast undanteknizzle þegar ég opna eða loka hurðinni á bílnum að þá fæ ég ansi kröftugan straum kizzy ég við bílinn like old skool shit. Það má vizzle að bíllinn sé að þessu þar sem hizzle er pizzle skítugur að innan og hizzann vilji mótmæla þessu en ég er sizzay best að segja orðinn pínu hræddur við þetta aww nah.
Amma mín er ansi svona impulsive manneskja . Snoop dogg is in this bitch. Við buðum henni í mat á laugizzle og það var einhva þáttur um Jónas frá Hriflu í sjónvarpinu sem hún varð að sjá þannig að sjónvarpið var dregið inn í stofu svo amma gæti nú séð restina af þættinum. Eftir þáttinn kom auglýs'n fyrir einhvern nýjiznan þátt sem Hemmi Gunn stjórnar og vaður á stöð tvö n' shit. Nú er það þannig að allir eldri borgarar dýrka Hemma Gizzunn og Gísla Martein og þannig er þessu líka farið með ömmu mína . know what im sayin?. Þegar hún sá auglýsinguna sagði hizzy að hún ætlaði nú aldeilis að fá sér stöð tvö svo hún gæti séð þennan nizzy þizzle n shit. Svo spurði hún okkur hvað það kostaði á mánuði að fá sér stöð tvö og þegar við sögðum henni að það væri svona 4200kr á mánuði dró hún í land og sagðist ekkert þurfa að sjá þennan þizzy.

Ég er farinn að halda að bíllin minn, rauða þruman, hati mig og sé að reyna að drepa mig, með raflosti. Þannig er mál með vexti að seinustu daga hef ég tekið eftir því að nánast undantekningarlaust þegar ég opna eða loka hurðinni á bílnum að þá fæ ég ansi kröftugan straum komi ég við bílinn. Það má vera að bíllinn sé að þessu þar sem hann er pinu skítugur að innan og hann vilji mótmæla þessu en ég er satt best að segja orðinn pínu hræddur við þetta.
Amma mín er ansi svona impulsive manneskja. Við buðum henni í mat á laugardaginn og það var einhver þáttur um Jónas frá Hriflu í sjónvarpinu sem hún varð að sjá þannig að sjónvarpið var dregið inn í stofu svo amma gæti nú séð restina af þættinum. Eftir þáttinn kom auglýsing fyrir einhvern nýjan þátt sem Hemmi Gunn stjórnar og verður á stöð tvö. Nú er það þannig að allir eldri borgarar dýrka Hemma Gunn og Gísla Martein og þannig er þessu líka farið með ömmu mína. Þegar hún sá auglýsinguna sagði hún, að hún ætlaði nú aldeilis að fá sér stöð tvö svo hún gæti séð þennan nýja þátt. Svo spurði hún okkur hvað það kostaði á mánuði að fá sér stöð tvö og þegar við sögðum henni að það væri svona 4200kr á mánuði dró hún í land og sagðist ekkert þurfa að sjá þennan þátt.

Brjáluð vonbrigði í dag. Fór í blóðprufu í morgun og byrjað var á því að mæla hæð mína og þyngd. Þyngdin kom ekki á óvart þar sem ég mæli mig alltaf í World Class en ég minnkaði um heila 4cm miðað við það sem ég hélt ég væri! Ég hef staðið í þeirri trú að ég væri góðir 175cm en nei, ég er bara 171cm tittur. Svo til að niðurlægja mig enn meira þá var stungið nál í handlegginn á mér og ég sagður með há kollvik, en enginn skalli sást þó. Spurning hvort ég drífi mig bara ekki að panta hárígræðslu og tíma í rússneskri lengingu til að ná þessum fjórum cm aftur.
Svo fór ég á heimasíðu blóðbankans í dag og þar voru svona ýmis hint um hverjir mega gefa blóð og hvað skal forðast eftir blóðgjöf og þar var sagt að ekki væri mælt með líkamsrækt sama dag og blóðgjöf er. En þar sem ég lifi á brúninni þá ætla ég nú bara samt að fara í líkamsrækt.
Og svona að lokum langar mig til að deila með ykkur að í gærkveldi var fyrsta skiptið í meira en viku sem ég kom ekki heim eftir klukkan 24 úr skólanum. Þess í stað fór ég í heitu pottana í Laugardalslauginni og svo í gufu í Worldclass og það var asskolli magnað.

Ég var alveg handviss um að örbloggið myndi vekja lukku og fólk myndi kommenta sem aldrei fyrr, en það er orðið greinilegt, það les enginn þetta blogg lengur. Ég skil það svosem alveg. Leiðinlegar færslur og langt á milli þeirra. Spurning hvort maður þurfi að rífa sig upp af rassgatinu?
Lífið er ósanngjarnt. Ég held að ég hafi ekki upplifað jafnmikið álag á einni önn og á þessari en samt er ég í fagi eins og tjáningu og samskiptum. Svo skilst mér að umbygg sé bara að bora í nefið því það er ekkert að gera hjá þeim. Það eina sem þau virðast allaveganna vera að gera er að safna auglýsingum enda kominn yfir fjórar milljónir og tek ég ofan hattinn minn fyrir þeim, ef ég væri með hatt það er að segja.
Í öðrum fréttum er það að frétta að virtasta fótboltasíða landsins Sammarinn.tk hefur beðið mig um að vera gestapenna á síðunni. Ég tók vitaskuld vel í það og er að malla saman grein í hausnum á mér til að fleygja þarna inn.
Hljómsveitin Arcade fire er good shit sem ég mæli með að fólk athugi og læt ég það vera lokaorð að sinni.

Örblogg
Árshátíðin: var góð, kíkið á myndirnar.
United: hafði aldrei trú á þessu.
Vorið: er svei mér bara komið.
Chelsea: verða mögulega evrópumeistarar.
Ég: er rugl fátækur.
Vinna: fátt leiðinlegra en að sækja um.
VRII: gæti flutt lögheimilið mitt þangað.

Myndir frá árshátíðinni eru komnar og má finna hér. Ég tók þann pól í hæðina að hafa ekki kveikt á skjánum þegar ég tók myndirnar og meira að miða út, miðað við linsuna. Einnig skoðaði ég enga mynd eftir á, þannig að þetta var svolítið blint hjá mér, eins og sést á sumum myndum. Þetta gerði ég meðal annars til að spara batteríið og svo var líka mjög gaman í gær að skoða myndirnar í fyrsta skipti allar.
Svo blogga ég meira um árshátíðina síðar.

Jæja búinn að fara til tannsa og fyrirfram var ég búinn að bóka tannaðgerð þar sem dregnir yrðu úr mér tveir endajaxlar en eftir heimsóknina þá er bara allt í gúddí og ekkert þarf að draga úr. Þetta bjargaði algjörlega fyrir mér deginum og kom mér í stuð fyrir morgundaginn.

Að lokum langar mig til að skrifa til heiðurs Inga Sturlu, betur þekktu sem Herra Excel. Kunnátta mannsins í öllu sem tengist Microsoft er þvílík að það er hrein unun að horfa á drenginn vinna. Hann hjálpaði mér massíft í dag þegar ég þurfti að sortera 65000 línur af gögnum sem voru öll klesst saman í excel.
Lengi lifi Ingi!