"sparaði" mér hátt í 30 þúsundkall
Já það er satt ég "sparaði" mér eða réttara sagt þurfti ekki að leggja út fyrir einu stykki tímareim þar sem bíllinn minn og guð blessi Japana hefur ekki tímareim heldur einhverja keðju. Hana þarf ekki að skipta um jafnfljótt og tímareim sem ef hefði verið hefði þurft að skipta um. Ég þarf ekki að hugsa um að skipta um neitt næstu 60-110 þúsund kílómetrana sem er gríðarlegt ánægjuefni þar sem ég á ekki fyrir tímareim og er að fara út. Þannig að ég lít á þetta sem "sign" frá guði um að ég eigi að fjárfesta í ipod í staðinn :D.
Leit aðeins upp í skóla í dag svona til að byrja að læra. Var ekki vinsælasti maðurinn á svæðinu þar sem það er lítil pressa á mér í augnablikinu og menn sögðu mér að fara heim. En ég var nú samt bara ágætlega sáttur við dagsverkið, fór yfir þrjá kafla fyrir prófið á föstudag, ekki sérlega mikilvægir en það þarf að kíkja á þá og prentaði allt út sem mig vantar. Svo er ég að vinna á morgun þannig að ég læri ekkert þá en á sunnudaginn þá verður þetta tekið með trompi.