"Þegar veðrið er svona gott á maður að nýta það og hanga ekki inni á bókasafni að gera einhver skiladæmi. Í það minnsta var það attitudið í dag hjá okkur strákunum og fóru mjög margir í golf. Ég fór í fyrsta skipti í golf í dag og var með Káka, Fjalari og Gunna. Við laumuðum okkur á korpúlfsstaðavöllinn og tókum einn hring. Eins og við var að búast var ég ömurlegur en átti nokkur góð högg inn á milli. Þetta var ágætt en það verður eflaust langt þangað til að maður kemst aftur í golf, haustið og veturinn nálgast óðfluga eins og maður fékk að kynnast í vikunni."
bloggað 25.september 2003
Gaman að skoða gömul blogg og þetta er ársgamalt. Lítið vissi ég þá að ég ætti eftir að spila golf jafnoft og raunin varð í fyrra því við fórum eflaust 10 sinnum eða oftar eftir þetta skipti, þarna um haustið.