Broken Social Scene - Almost Crimes (Radio kills remix)

Burra kalt sko. Veturinn er kominn í danaveldi og það er freakin kalt. Kaldara en heima á Íslandi leyfi ég mér að fullyrða en það er allaveganna ekki kominn snjór ennþá eða slabb sem er svosem ágætt. Í tilefni af komu vetrar keypti ég mér húfu númer 2 á þessu hausti og er þetta allmáttug vetrarhúfa, prjónuð og með thinsulati sem þykir gott til einangrunnar. Fyrri húfan var helvíti svöl svört prjónahúfa en var ekki að halda eyrunum á mér nógu hlýjum þannig að ég ákvað að fjárfesta í annarri. Annars lýsi ég undrun minni og spyr hvað varð um haustið hérna í Danmörku. Veðrið var búið að vera bara helvíti gott, næstum því sumar ef maður miðar við Ísland, og svo skellur á einhver brjálæðislegur kuldi sem nístir inn að beini. Mér líst ekki á þetta. En það er gott að ég tók norðurpólsúlpuna með, hún heldur mér heitum.

Svo um þessar mundir er ég ennþá að reyna að gera það sem ég ætlaði að byrja á fyrir svona þremur vikum, sækja um vinnu og ákvaða hvaða skóla í USA ég ætla að velja. Ég er allaveganna kominn á þá niðurstöðu að ætla að sækja um svona 5 skóla í USA og svo á ég eftir að skoða Evrópu. Ég hef þó ekki verið algjörlega gagnslaus í þessum málum á þessum tíma því ég er búinn að vera að spjalla við kennara heima og reyna að fá þá til að skrifa meðmælabréf. Kominn með tvö og vantar eitt til. Svo reddaði ég mér meðmælum þegar ég ætla að sækja um vinnu í dag. Ætli það sé ekki þannig að ég vinni best undir pressu, kem hlutum allaveganna í verk.

Svo að lokum gleðifregnir úr Rjómanum. Síðan er komin í yfir 1200 heimsóknir á dag sem verður að teljast helvíti gott og er ekki laust við að maður sé stoltur af "barninu".