Sigurrós - Milano

Temmilegur bömmer í dag þegar ég komst að því að ég þarf líka að skrifa report um grein sem ég og Petri vinur minn erum að fara að halda 35-40 mínútna fyrirlestur um. Efnið sem um ræðir eru aðferðir til að minnka hættu með staðsetningu á t.d. vegakerfi með tilliti til húsa sem hafa hættulegan úrgang og fleira í þeim dúr. Þetta er meira en bara það en ætti að gefa einhverja mynd um hvað þetta fjallar. Svo er greinin bara stærðfræði frá a-ö liggur við þannig að þetta er "mikið gaman". Bömmerinn með reportinn er semsagt sá að ég hélt að við værum búnir með kúrsinn eftir kynninguna en svo er ekki. Greinin sjálf er 7 blaðsíður en reportið okkar á að vera 15 blaðsíður.

SHIIIIIT ég var loksins að klára að horfa á fjórðu seríu af Alias, hef átt það á tölvunni síðan í sumar og ég hreinlega kipptist við þar sem ég lá uppi í rúmi þegar lokaatriðið kom. Það hafa verið bombur í Alias í lokaþáttum en þessi er með þeim bestu. Nú get ég ekki beðið eftir 5. seríu.

Eitt sem mér finnst fyndið er að kjúklingabringur eru námsmannamatur hérna úti. Ég borða mjög oft kjúklingabringur og er bara mjög sáttur við það enda besti hluti kjúklingsins. Þess vegna þegar ég kem heim á mér eflaust eftir að bregða temmilega því allar þær uppskriftir sem ég elda úr kjúklingi miðast við bringurnar en heima þá eru bringurnar vangefið dýrar. Þannig að allt skill-ið sem ég hef lært í eldamennsku á þeim mun jahh ekki njóta sín jafnmikið og vera skildi. Akkru eru bringur svona dýrar heima? ég bara spyr.