Who´s down with G-O-D? JESUS
Sá snilldarmynd á indí-dögum í kvöld, Saved. Fjallar um krakka í kristilegum menntaskóla og er svona kómísk sýn á það líf allt saman. Söngkonan Mandy Moore, sem er hryllileg söngkona, þ.e. lagaval og annað, leikur eitt aðalhlutverkið og kemst virkilega vel frá því, sem svona tíkin í þessu öllu saman. Brjálað trúuð manneskja sem heldur að hún geti breytt heiminum, ásamt Jesúm. M. Culkin leikur síðan ættleiddan bróður hennar sem er fastur í hjólastól því hann féll úr tré. Fyndið að sjá hann þarna. Hann lítur nánast eins út og hann gerði í Home Alone myndunum, nema að hann er þónokkuð eldri. En myndin sjálf fjallar í stórum dráttum stelpu sem er voða trúrækin, hangir alltaf með mandy og öðrum stelpum sem eru svona aðalstelpurnar á svæðinu, og á kærasta. Hann er hommi og þegar hún kemst að því breytist líf hennar til muna. Hún fer að pæla í því hvort Guð og Jesú séu virkileg til og fleira slíkt. Allaveganna mæli með henni, því hún er bæði fyndin og með skemmtilega sýn ofstækisfullt trúað fólk í BNA.

Ég var að tala við stelpu sem ég þekki sem er nýbúin að eignast barn og við vorum að ræða um nöfn sem fólk skýrir börnin sín nútildags. Tískan í dag er að hafa tvö nöfn þar sem annað nafnið er voðalega flippað, oft á tíðum í það minnsta. Allaveganna hún sagði mér að einhver hefði svarið fyrir það að einhver hefði skýrt barnið sitt Mist Eik. Sem væri nú ekki nógu sniðugt því þegar barnið verður eldra og skilur ensku þá veit barnið að það var mistake, það myndi í það minnsta halda það held ég. Ég reyndar fletti þessu nafni upp í dag og sem betur fer heitir engin stúlka Mist Eik.